'Yan sanda a Indiya sun ce a kalla mutum 22
sun mutu, wadanda yawancin su yara ne,
sakamakon faduwar wata katanga ana tsakiyar
shagalin biki a yammacin birnin Jaipur.
Mutum 26 kuma sun samu raunuka, wadanda
15 daga cikin su raunin nasu mai tsanani ne.
An hanzarta kai marasa lafiyar asibiti da ke
kusa da inda lamarin ya faru don a duba
lafiyarsu.
Wani dan sanda Anil Tank ya shaida wa
manema labarai cewa bakin da suka halarci
bikin na tsakiyar rakashewa sai kawai ruwan
sama ya sauka, daga bisani kuma sai aka yi
wata tsawa mai karfin gaske.
To daga nan ne sai mutanen suka nemi wajen
fakewa, a nan ne wani bangare na katangar
wajen da suke ta zube ta kuma fadi kan
mutane da dama.
Rahotanni sun ce an jera abincin bikin a kusa
da katangar ne.
Mista Tank ya ce tsawon katangar ya kai mita
27 yayin da fadinta kuma ya kai inci 12 zuwa
13.
Gundumar Bharatpur na da nisan kilomita 200
daga Kudancin babban birnin kasar Delhi.
Turawa zuwa Ka Ajiye comment A Qasa....
Katanga ta kashe 'yan biki 22 a IndiaCreated at 2017-05-11 20:02:25
Tags: Katanga ta kashe 'yan biki 22 a India 0
Rate up Star Share: